• Դատարանի մասին
• Դատավորներ
• Անհրաժեշտ տեղեկություններ
• Դատական նիստերի ժամանակացույց

Սամվել Կոստյայի Մարդանյան

Ծնվել է 1961 թվականին Տավուշի մարզի Բերդ քաղաքում:

1982 թվականին ավարտել է Երևանի ժողովրդական տնտեսության ինստիտուտի պլանա-տնտեսագիտական ֆակուլտետը: 

1982 թվականից մինչև 1983 թվականը ծառայել է Խորհրդային բանակում:

1990 թվականից մինչև 1994 թվականը սովորել է ԵՊՀ իրավաբանական ֆակուլտետում: 

1984 թվականից մինչև 1986 թվականը ծառայել է ՀՀ ոստիկանության Տավուշի բաժնում որպես ուղղիչ աշխատանքների և աշխատանքի տեղավորման տեսուչ։

1986 թվականից մինչև 1992 թվականը զբաղեցրել է նույն բաժնի ԲԽՍՍ-ի օպեր-լիազորի պաշտոնը։ 

1992 թվականից մինչև 1999 թվականն աշխատել է Նախկին Կրասնոսելսկի շրջանի ժողդատարանի դատավոր։ 

1999-2000 թվականներին աշխատել է Տավուշի մարզի առաջին ատյանի դատարանի դատավոր։ 

1999 թվականից մինչև 2004 թվականը եղել է ՀՀ Արդարադատության խորհրդի անդամ։ 

2001-2004 թվականներին աշխատել է Երևան քաղաքի Աջափնյակ և Դավիթաշեն համայնքների առաջին ատյանի դատարանի դատավոր։ 

2004 թվականից առ այսօր հանդիսանում է Տավուշի մարզի ընդհանուր իրավասության դատարանի նախագահ:

 

Աշոտ Սուրենի Խաչիկյան

Ծնվել է 1954 թվականին Նոյեմբերյան քաղաքում:

1991 թվականին ավարտել է ԵՊՀ իրավաբանական ֆակուլտետը:

1996 թվականից մինչև 1999 թվականն աշխատել է Դիլիջանի ժողդատարանում՝ որպես դատավոր:

1999 թվականին աշխատել է ՀՀ ԴԱՀԿ Տավուշի մարզային ստորաբաժանման պետի պաշտոնում:

2000 թվականից առ այսօր աշխատում է Տավուշի մարզի ընդհանուր իրավասության դատարանի դատավոր:

 

Արման Աշոտի Կուրեխյան

Ծնվել է 1974 թվականին Իջևան քաղաքում:

1991 թվականին ընդունվել և 1996 թվականին ավարտել է Երևանի պետական համալսարանի իրավաբանական ֆակուլտետը` ստանալով իրավաբանի որակավորում:

1996 թվականից մինչև 1998 թվականը ժամկետային զինվորական ծառայություն է անցել ՀՀ Զինված ուժերում:

2000 թվականից եղել է ՀՀ Փաստաբանների միության, այնուհետ` ՀՀ Փաստաբանների պալատի անդամ, փաստաբան:

2000 թվականից մինչև 2004 թվականն աշխատել է «Հայաստանի երիտասարդ իրավաբանների ասոցիացիա» ՀԿ-ում՝ որպես ծրագրի փաստաբան:

2006 թվականից մինչև 2007 թվականն աշխատել է «Հայաստան» համահայկական հիմնադրամում՝ որպես իրավաբան:

2008 թվականից առ այսօր աշխատում է Տավուշի մարզի ընդհանուր իրավասության դատարանի դատավոր:

 

Զոյա Շաքարի Զաքինյան

Ծնվել է 1958 թվականին Բերդ քաղաքում:

1984 թվականին ավարտել է ԵՊՀ իրավաբանական ֆակուլտետը:

1984 թվականից մինչև 1991 թվականը հանդիսացել է Սիսիան քաղաքային իրավաբանական կոնսուլտացիայի վարիչ, փաստաբան:

1991 թվականից մինչև 1993 թվականը հանդիսացել է Տավուշի շրջխորհրդի գործկոմի իրավախորհրդատու:

1993 թվականից մինչև 1994 թվականը հանդիսացել է Տավուշի շրջխորհրդի գործկոմի քարտուղարի պաշտոնակատար իրավախորհրդատու:

1994 թվականից մինչև 1995 թվականն աշխատել է Բերդ քաղաքի ռելեի գործարանում՝ որպես իրավախորհրդատու:

1995 թվականից մինչև 2000 թվականն աշխատել է Տավուշի հարկային տեսչությունում՝ որպես առաջատար մասնագետ-իրավաբան:

1999 թվականից մինչև 2001 թվականը հանդիսացել է ՀՀ Փաստաբանների միության անդամ:

2001 թվականից առ այսօր աշխատում է Տավուշի մարզի ընդհանուր իրավասության դատարանի դատավոր:

 

Ռաֆիկ Գերասիմի Մելքոնյան

Ծնվել է 1968 թվականին Գեղարքունիքի մարզի Վերին Գետաշեն գյուղում:

1986 թվականից մինչև 1988 թվականը ծառայել է Խորհրդային բանակում:

1994 թվականին ավարտել է ԵՊՀ իրավաբանական ֆակուլտետը:

1996 թվականից մինչև 1999 թվականն աշխատել է ՀՀ Գերագույն դատարանում՝ որպես դատական կարգադրիչ:

1999 թվականից մինչև 2005 թվականն աշխատել է ՀՀ Քրեական և զինվորական գործերով վերաքննիչ դատարանում՝ որպես դատավորի օգնական:

2005 թվականից մինչև 2006 թվականը հանդիսացել է ՀՀ Գլխավոր դատախազության գիտաուսումնական կենտրոնի գիտական աշխատող:

2006 թվականից առ այսօր աշխատում է Տավուշի մարզի ընդհանուր իրավասության դատարանի դատավոր:

 

Արշակ Հրաչիկի Շահոյան

Ծնվել է 1954 թվականին Ռուսաստանի Դաշնության, Կրանոյարսկի երկրամասի, Կազաչինսկի շրջանի, Զախարովկա գյուղում։ 

1957 թվականին տեղափոխվել է Հայաստան։

1971 թվականից աշխատել է Երքաղէլեկտրատրանսպորտի վարչության Երևանի թիվ 2 տրամվայի հավաքակայանում՝ որպես էլեկտրիկ։

1972 թվականից մինչև 1974 թվականը ծառայել է ԽՍՀՄ Զինված ուժերում։

1976 թվականից մինչև 1982 թվականը սովորել է ԵՊՀ իրավաբանական ֆակուլտետի երեկոյան բաժնում։

1981 թվականին աշխատանքի է ընդունվել ՀՀ Գերագույն դատարանում՝ որպես օրենսդրության համակարգման բաժնի ավագ խորհրդատու, իսկ 1984 թվականին նշանակվել է ՀՀ Գերագույն դատարանի նախագահության և պլենումի հարցերով ավագ խորհրդատու։

1991 թվականին նշանակվել է Երևանի Խորհրդային շրջանի ժողդատարանի դատավոր։

1996 թվականից զբաղվել է փաստաբանական գործունեությամբ, իսկ 1996 թվականից ընդգրկվել է ՀՀ Փաստաբանների կոլեգիայի, իսկ հետո` ՀՀ Փաստաբանների միության կազմում՝ որպես փաստաբան։

2000 թվականին ՀՀ Փաստաբանների միության ընդհանուր ժողովի որոշմամբ ընտրվել է հատուկ արտոնագիր ունեցող փաստաբան և գրանցվել ՀՀ Վճռաբեկ դատարանում։

2001 թվականին նշանակվել է ՀՀ Տնտեսական դատարանի դատավոր։

2006 թվականին նշանակվել է Լոռու մարզի առաջին ատյանի դատարանի դատավոր։

2008 թվականի հունվարի մեկից աշխատել է Հյուսիսային քաղաքացիական դատարանի դատավոր: 

2009 թվականի փետրվարի 27-ին ՀՀ Նախագահի հրամանագրով նշանակվել է Տավուշի մարզի ընդհանուր իրավասության դատարանի դատավոր:

^ Դեպի վեր