• Դատարանի մասին
• Դատավորներ
• Անհրաժեշտ տեղեկություններ
• Դատական նիստերի ժամանակացույց

Սուրեն Լենդրուշի Մնոյան

Ծնվել է 1960 թվականին Երևան քաղաքում։ 

1977 թվականից մինչև 1981 թվականը սովորել է Ղազախստանի Կարագանդա քաղաքի ԽՍՀՄ ՆԳՆ բարձրագույն դպրոցի քննչական ֆակուլտետում։

1981 թվականից մինչև 1985 թվականն աշխատել է Երևանի Լենինյան շրջանի ՆԳ բաժնում՝ որպես քննիչ։

1985 թվականից մինչև 1991թվականն աշխատել է ՀՀ ՆԳՆ քննչական վարչությունում՝ որպես քննիչ։

1991 թվականից մինչև 1993 թվականն աշխատել է Մաշտոցի շրջանի ՆԳ բաժնում՝ որպես քննչական բաժանմունքի պետ։

1993 թվականից մինչև 1997 թվականն աշխատել է ՀՀ Դատախազության համակարգում՝ որպես ՀՀ գլխավոր դատախազին առընթեր հատկապես կարևոր գործերի քննիչ։

1997 թվականից մինչև 1998 թվականն աշխատել է ՀՀ Արդարադատության նախարարությունում՝ որպես դատական մարմինների վարչության պետ։

1999 թվականից առ այսօր զբաղեցնում է Արագածոտնի մարզի ընդհանուր իրավասության դատարանի նախագահի պաշտոնը։

Հայկ Սանասարի Խաչատրյան

Ծնվել է 1949 թվականին Շիրակի մարզի Աշոցքի տարածքի Կաքավասար գյուղում։

1967 թվականից մինչև 1972 թվականը սովորել է ԵՊՀ իրավաբանական ֆակուլտետի ցերեկային բաժնում։

Որպես սպա ԽՍՀՄ Զինված ուժերում պարտադիր ժամկետային ծառայությունն անցնելուց աշխատել է իրավախորհրդատու։

1981 թվականից մինչև 1999 թվականը զբաղվել է գիտական և դասախոսական աշխատանքներով. Երևանի պոլիտեխնիկական ինստիտուտի իրավագիտության ամբիոնի դասախոս, դոցենտ, ՀՀ ԳԱ փիլիսոփայության և իրավունքի ինստիտուտի գիտաշխատող, ՀՀ Գերագույն խորհրդի իրավաբանական վարչության քրեական և վարչական օրենսդրության ենթաբաժնի վարիչ, «Ոսկե եռյակ» իրավաբանական ընկերության նախագահ։ 

1999 թվականից առ այսօր աշխատում է Արագածոտնի մարզի ընդհանուր իրավասության դատարանի դատավոր։ 

Ունի իրավաբանական գիտությունների թեկնածուի գիտական աստիճան և դոցենտի կոչում։ 

Միաժամանակ շարունակում է գիտական և մանկավարժական գործունեությունը։



Ռուզաննա Հակոբի Բարսեղյան

Ծնվել է 1958 թվականին ՎԽՍՀ Տկիբուլի քաղաքում։

1975 թվականից մինչև 1978 թվականն աշխատել է Ապարանի «ՆԻԳ» գործարանում՝ որպես բանվորուհի։

1979 թվականից մինչև 1996 թվականն աշխատել է Ապարանի շրջանի ժողդատարանում՝ որպես դատական նիստերի քարտուղար։

1982 թվականից մինչև 1988 թվականը սովորել է ԵՊՀ իրավաբանական ֆակուլտետում։

1996 թվականից մինչև 1999 թվականն աշխատել է Ապարանի շրջանի վարչական տարածքի դատավոր։

1999 թվականից առ այսօր աշխատում է Արագածոտնի մարզի ընդհանուր իրավասության դատարանի դատավոր։

1999 թվականից մինչև 2004 թվականն եղել է ՀՀ Արդարադատության խորհրդի անդամ։



Մանուկ Սոկրատի Մարգարյան

Ծնվել է 1968 թվականին Երևան քաղաքում։ 

1985 թվականից մինչև 1990 թվականը սովորել է ԵՊՀ իրավաբանական ֆակուլտետում։

1991 թվականից մինչև 1996 թվականն աշխատել է ՀՀ ՆԳ մարմինների համակարգում։

1996 թվականից մինչև 2005 թվականը ծառայել է ՀՀ Ազգային անվտանգության մարմինների համակարգում։

2005 թվականից առ այսօր աշխատում է Արագածոտնի մարզի ընդհանուր իրավասության դատարանի դատավոր։

 

Գոհարիկ Մանուկի Խաչատրյան

Ծնվել է 1963 թվականին Ապարանի շրջանի Քասախ գյուղում։

1989 թվականին ավարտել է ԵՊՀ իրավաբանական ֆակուլտետը։

1989 թվականից մինչև 1995 թվականն աշխատել է փաստաբան։

1996 թվականից աշխատել է Աշտարակի ՆՇՎՏ ժողդատավոր։

1999 թվականից մինչև 2008 թվականն աշխատել է Արագածոտնի մարզի առաջին ատյանի դատարանի դատավոր։

2008 թվականից մինչև 2009 թվական աշխատել է Հյուսիսային քաղաքացիական դատարանի դատավոր:

2009 թվականի փետրվարի 27-ին ՀՀ Նախագահի հրամանագրով նշանակվել է Արագածոտնի մարզի ընդհանուր իրավասության դատարանի դատավոր։

 

Աղասի Սամվելի Դարբինյան

Ծնվել է 1981 թվականին Վանաձոր քաղաքում։ 

2002 թվականին ավարտել է ԵՊՀ իրավաբանական ֆակուլտետը, 2004 թվականին ԵՊՀ միջազգային հարաբերությունների ֆակուլտետի մագիստրատուրան։ 

2000 թվականից մինչև 2004 թվականն աշխատել է «Արգիշտի-1» ՍՊ ընկերության իրավաբան։ 

2004 թվականից մինչև 2006 թվականն աշխատել է ՀՀ Տնտեսական դատարանում՝ որպես դատավորի օգնական։ 

2006 թվականին աշխատել է ՀՀ Վճռաբեկ դատարանի աշխատակազմի իրավական փորձաքննությունների վարչության մասնագետ։ 

2006 թվականից մինչև  2009 թվականն աշխատել է ՀՀ դատական դեպարտամենտի անձնակազմի կառավարման վարչության պետ։ 

ՀՀ Նախագահի 2009 թվականի փետրվարի 27-ի հրամանագրով նշանակվել է Արագածոտնի մարզի ընդհանուր իրավասության դատարանի դատավոր։

^ Դեպի վեր