Վարուժան Սամսոնի Աբելյան 

Ծնվել է 1950 թվականին քաղաք Երևանում: 

1977 թվականին ավարտել է ԵՊՀ իրավաբանական ֆակուլտետը:

1969 թվականից մինչև 1975 թվականը հանդիսացել է Լենինյան շրջխորհրդի գործկոմին կից անչափահասների գործերի հանձնաժողովի քարտուղար:

1975 թվականից մինչև 1979 թվականը աշխատել է որպես Լենինյան շրջխորհրդի գործկոմի բնակտնտեսության վարչության իրավախորհրդատու, այնուհետև շրջգործկոմի իրավախորհրդատու:

1979 թվականից մինչև 1990 թվականը աշխատել է Երքաղխորհրդի գործկոմի բնակֆոնդի հաշվառման-բաշխման և բնակարանների փոխանակման վարչությունում որպես իրավախորհրդատու, ադմինիստրացիայի անդամ:

1990 թվականից մինչև 1991 թվականը աշխատել է որպես ՀՀ թեթև արդյունաբերության նախարարության իրավաբանական բաժնի պետ և գլխավոր արբիտր:

1991 թվականից մինչև 1998 թվականը հանդիսացել է ՀՀ Գերագույն դատարանի անդամ:

1998 թվականից հանդիսանում է ՀՀ վճռաբեկ դատարանի քաղաքացիական և վարչական պալատի դատավոր:

 

Սամվել Վլադիմիրի Օհանյան 

Ծնվել է 1959 թվականին քաղաք Երևանում։

1981 թվականին ավարտել է ԵՊՀ իրավաբանական ֆակուլտետը։

1982 թվականից մինչև 1983 թվականը աշխատել է որպես Կրասնոսելսկի շրջանի դատախազի ստաժոր-օգնական:

1983 թվականից մինչև 1986 թվականը աշխատել է ՀՍՍՀ դատախազության տրանսպորտի դատախազությունում որպես ստաժոր-քննիչ, ապա որպես քննիչ։

1986 թվականից մինչև 1996 թվականը աշխատել է որպես Երեվան քաղաքի Օրջոնիկիձեի շրջանի դատախազի օգնական։

1996 թվականից մինչև 1999 թվականը աշխատել է Երեվան քաղաքի Սպանդարյան շրջանի ժողդատարանում որպես դատավոր։

1999 թվականից մինչև 2000 թվականը աշխատել է ՀՀ քրեական և զինվորական գործերով վերաքննիչ դատարանում դատավորի պաշտոնում։

2000 թվականից հանդիսանում է ՀՀ վճռաբեկ դատարանի քրեական պալատի դատավոր:

2008 թվականին ՀՀ Նախագահի կողմից Սամվել Օհանյանը պարգևատրվել է Մխիթար Գոշի մեդալով:

 

Արշակ Նշանի Խաչատրյան

Ծնվել է 1955 թվականին քաղաք Երևանում։

1985 թվականից ավարտել է Սանկտ Պետերբուրգի պետական համալսարանի իրավաբանական ‎ֆակուլտետը։

1986 թվականից մինչև 1996 թվականը աշխատել է Լենինյան շրջանի իրավաբանական կոնսուլտացիայում որպես փաստաբան։

1996 թվականից մինչև 1999 թվականը աշխատել է ՀՀ Գերագույն դատարանի զինվորական գործերի դատական կոլեգիայում դատավորի պաշտոնում։

1999 թվականից առ այսօր աշխատում է ՀՀ Վերաքննիչ քրեական դատարանի դատավոր։

 

Նախշուն Գևորգի Տավարացյան 

Ծնվել է 1957 թվականին Ադրբեջանի ՍՍՀ Շամխորի շրջանի Սալեր գյուղում։

1985 թվականին ավարտել է ԵՊՀ իրավաբանական ֆակուլտետը։

1985 թվականից մինչև 1996 թվականը աշխատել է որպես փաստաբան, եղել է ՀՀ փաստաբանների միության կոլեգիայի անդամ։

1996 թվականից մինչև 1999 թվականը եղել է Կոտայքի շրջանի ժողդատարանի դատավոր։

1999 թվականից մինչև 2002 թվականը եղել է ՀՀ քաղաքացիական գործերով վերաքննիչ դատարանի դատավոր։

2002 թվականի սեպտեմբերի 9-ին ՀՀ նախագահի հրամանագրով նշանակվել է ՀՀ տնտեսական դատարանի դատավոր։ 

2008 թվականից առ այսօր աշխատում է ՀՀ Վերաքննիչ քաղաքացիական  դատարանի դատավոր:

 

Արմեն Էդուարդի Թումանյան

Ծնվել է 1955 թվականին քաղաք Երևանում։

1972 թվականից մինչև 1976 թվականը սովորել է Վ.Բրյուսովի անվան ինստիտուտում։

1976 թվականից մինչև 1977 թվականը ծառայել է զինված ուժերում։

1982 թվականից մինչև 1988 թվականը սովորել է ԵՊՀ իրավաբանական ֆակուլտետում։

1991 թվականից մինչև 1992 թվականը աշխատել է «Ֆոն» բաժնետիրական ընկերությունում որպես իրավաբան։

1992 թվականից մինչև 1998 թվականը աշխատել է «Ֆիսա» ընկերությունում որպես իրավաբան։

1998 թվականից մինչև 1999 թվականը աշխատել է «Կոնվերս բանկ» ԲԲԸ-ում որպես իրավաբան։

1999 թվականից մինչև 2001 թվականը աշխատել է Սյունիքի մարզի առաջին ատյանի դատատարանում որպես դատավոր։

2001 թվականից մինչև 2005 թվականը աշխատել է Արագածոտնի մարզի առաջին ատյանի դատարանում որպես դատավոր։

2005 թվականից  մինչև 2007 թվականը աշխատել է ՀՀ քաղաքացիական վերաքննիչ դատարանում դատավորի պաշտոնում։ 

2007 թվականի հունիսի 7-ին ՀՀ Նախագահի հրամանագրով նշանակվել է Սյունիքի մարզի առաջին ատյանի դատարանի նախագահի պաշտոնում:

2008 թվականից մինչև 2009 թվականը զբաղեցրել է Հարավային քրեական դատարանի նախագահի պաշտոնը:

2009 թվականի փետրվարի 27-ին ՀՀ նախագահի հրամանագրով նշանակվել է ՀՀ Վերաքննիչ քաղաքացիական դատարանի դատավոր:

Ունի իրավաբանական գիտությունների թեկնածուի գիտական աստիճան։

 

Խանդանյան Գագիկ Ռաֆիկի

Ծնվել է 1959 թվականին քաղաք Գավառում։ 

1978 թվականից մինչև 1983 թվականը սովորել է ԵՊՀ իրավաբանական ֆակուլտետում։

1983 թվականից մինչև 1986 թվականը աշխատել է Կամոյի «Դիպոլ» արտադրական միավորումում որպես իրավախորհրդատու։

1986 թվականից մինչև 1987 թվականը աշխատել է որպես ստաժոր Կրասնոսելսկի շրջանային դատախազությունում։

1987 թվականից մինչև 1988 թվականը աշխատել է որպես Կրասնոսելսկի շրջանային դատախազության քննիչ։

1988 թվականից մինչև 1990 թվականը աշխատել է Սևանի շրջանային դատախազության քննիչ։

1990 թվականից մինչև 1997 թվականը աշխատել է որպես ավագ քննիչ Սևանի շրջանային դատախազությունում։

1997 թվականից մինչև 1999 թվականը աշխատել է որպես Սևանի միջշրջանային դատախազի տեղակալ։

1999 թվականից մինչև 2000 թվականը աշխատել է Գեղարքունիքի մարզի դատախազի տեղակալի պաշտոնում։

2000 թվականից մինչև 2005 թվականը եղել է Արմավիրի մարզի առաջին ատյանի դատարանի դատավոր։

2005 թվականից մինչև 2009 թվականը աշխատել է Շենգավիթ համայնքի ընդհանուր իրավասության դատարանի դատավոր։

2009 թվականի փետրվարի 27-ին ՀՀ Նախագահի հրամանագրով նշանակվել է Երևանի Կենտրոն և Նորք-Մարաշ համայնքների ընդհանուր իրավասության դատարանի դատավոր:

 

Մնացական Վոլոդիայի Մարտիրոսյան 

Ծնվել է 1963 թվականին քաղաք Կամոյում։

1981 թվականից մինչև 1986 թվականը սովորել է ԵՊՀ իրավաբանական ֆակուլտետում։

1986 թվականից մինչև 1992 թվականը աշխատել է Հրազդանի միջշրջանային դատախազությունում՝ որպես ստաժոր, քննիչ, ապա դատախազի տեղակալ։

1999 թվականից աշխատել է ՀՀ Արմավիրի մարզի առաջին ատյանի դատարանում որպես դատավոր։

2001 թվականից աշխատել է Երևանի Կենտրոն և Նորք-Մարաշ համայնքների առաջին ատյանի դատավոր։

2008 թվականից  մինչև 2009 թվականը աշխատել է Երևանի քրեական դատարանի դատավոր:

2009 թվականի փետրվարի 27-ին ՀՀ Նախագահի հրամանագրով նշանակվել է Կենտրոն և Նորք-Մարաշ համայնքների ընդհանուր իրավասության դատարանի դատավոր:

 

Ռուզաննա Հակոբի Բարսեղյան

Ծնվել է 1958 թվականին ՎԽՍՀ Տկիբուլի քաղաքում։

1975 թվականից մինչև 1978 թվականը աշխատել է Ապարանի «ՆԻԳ» գործարանում որպես բանվորուհի։

1979 թվականից մինչև 1996 թվականը աշխատել է Ապարանի շրջանի ժողդատարանում որպես դատական նիստերի քարտուղար։

1982 թվականից մինչև 1988 թվականը սովորել է ԵՊՀ իրավաբանական ֆակուլտետում։

1996 թվականից մինչև 1999 թվականը աշխատել է որպես Ապարանի շրջանի վարչական տարածքի դատավոր։

1999 թվականից առ այսօր աշխատում է  Արագածոտնի մարզի ընդհանուր իրավասության դատարանի դատավոր։

1999 թվականից մինչև 2004 թվականը եղել է ՀՀ Արդարադատության խորհրդի անդամ։

 

Տարիել Կարապետի Բարսեղյան 
իրավաբան-գիտնական

Ծնվել է 1939 թվականին քաղաք Էջմիածնում։ 

1959 թվականից մինչև 1962 թվականը ծառայել է խորհրդային բանակում։ 

1967 թվականին ավարտել է ԵՊՀ իրավաբանական ֆակուլտետը։

1970 թվականին ավարտել է ԵՊՀ իրավաբանական ֆակուլտետի ասպիրանտուրան։

1969 թվականից աշխատել է որպես ԵՊՀ իրավաբանական ֆակուլտետի դասախոս, իսկ 1989 թվականից որպես Քաղաքացիական իրավունքի և դատավարության ամբիոնի վարիչ։

1990 թվականից մինչև 1998 թվականը զբաղեցրել է Գերագույն դատարանի նախագահի պաշտոնը։

2000 թվականից մինչ օրս հանդիսանում է ԵՊՀ իրավաբանական ֆակուլտետի Քաղաքացիական իրավունքի ամբիոնի վարիչ։

Իրավաբանական գիտությունների դոկտոր է, պրոֆեսոր։

 

Հովսեփ Դավթի Փանոսյան
իրավաբան-գիտնական

Ծնվել է 1976թվականին քաղաք Երևանում։

1994 թվականից մինչև 1999 թվականը սովորել է Երևանի պետական համալսարանի իրավաբանական ֆակուլտետում։

1999 թվականից մինչև 2001թվականը ծառայել է զինված ուժերում։

1998 թվականից մինչև 1999 թվականը աշխատել է «Բրեյվ» իրավաբանական ընկերությունում որպես իրավախորհրդատու։

2002 թվականից մինչև 2004 թվականը դասախոսել է «Ուրարտու» համալսարանի քրեական իրավունքի ամբիոնում։

2002 թվականից մինչև 2005 թվականը աշխատել է ՀՀ քաղաքացիական ծառայության խորհրդի աշխատակազմի վերահսկողության վարչությունում որպես առաջին կարգի մասնագետ, հետագայում` առաջատար մասնագետ։

2005 թվականից ՀՀ Նախագահի վերահսկողական ծառայության առաջին բաժնի նախ առաջատար մասնագետ, ապա` գլխավոր մասնագետ է, 2008 թվականից զբաղեցնում է ՀՀ Նախագահի վերահսկողական ծառայության երկրորդ բաժնի պետի պաշտոնը։

Ունի իրավաբանական գիտությունների թեկնածուի աստիճան։

 

Մեսրոպ Երջանիկի Մակյան

Ծնվել է 1971 թվականին Երևան քաղաքում։

1988 թվականից մինչև 1991 թվականը ծառայել է ՀՀ Զինված ուժերում։

1992 թվականից մինչև 1997 թվականը սովորել է ԵՊՀ իրավաբանական ֆակուլտում։

1999 թվականից մինչև 2003 թվականն աշխատել է ՀՀ Արդարադատության նախարարությունում՝ որպես ԴԱՀԿ ավագ հարկադիր կատարող։

2003 թվականից մինչև 2004 թվականն աշխատել է «Դիակոնիա» բարեգործական հիմնադրամում՝ որպես իրավաբան։

2004 թվականից մինչև 2008 թվականն աշխատել է Գեղարքունիքի մարզի առաջին ատյանի դատարանի դատավորի։

2008 թվականից մինչև 2009 թվականն աշխատել է Հյուսիսային քրեական դատարանի դատավոր: 

2009 թվականի փետրվարի 27-ին ՀՀ Նախագահի հրամանագրով նշանակվել է Կոտայքի մարզի ընդհանուր իրավասության դատարանի  դատավոր:

^ Դեպի վեր